紅衣叻叻強項出擊

猪拉多纳

　　蘇保羅馬房今晚只派出一匹「紅衣叻叻」上陣，列陣第五場三班1000米，但馬房仍傳來搏殺消息，指此駒現時狀態復勇，謂今仗有力一放而返。

　　「紅衣叻叻」向來以谷草1000米威力最強，以往在同程累積三場頭馬，而且兩戰三班此程均勝出，可見在三班分量十足。今季此駒跑過三仗，已跑起了狀態，

　　今次「紅衣叻叻」可降回三班上陣，廐主即替牠報爭強項路程，用意明顯不過。由於此駒本身前速甚快，縱排外檔亦冇大影響，潘頓以往曾替牠贏馬，人馬默契毋須懷疑，馬房又好鬥志，今戰應有可勝之機。

　　精靈勇駿有威脅

　　同場馬中較有威脅應是「精靈勇駿」，季內四戰兩度上名，證明近態並不差，跑1000米亦是其所長，韋達唔放手，必有一爭之力。至於「勁有盈」上仗挫「但求勝」、「搏得分」贏馬，賽事水準甚高，勝後仍保持佳態，不妨作配。

　　東廐方面，馬房中人對出爭第六場三班1200米的「夢幻十一」最睇好，此駒上仗升班作賽仍能力拼「洪福齊來」爭入亞席，彈甩其餘對手，可見實力足夠在三班站穩有餘，今次移師谷戰強手已去，有力言勝。

　　同場對手方面，葉廐「佳同」必須留意，此駒亦是谷戰好手，跑1200米亦是其強項，今次又抽得二檔好位，對牠甚為有利，如出閘冇問題，可以爭入三甲。此外，「馬風雲」亦是當起之馬，此駒近期有穩定的演出，路合人強，可以爭配。