賞惑轉場落飛搏甩髀

猪拉多纳

　　白德民同沈集成近期氣勢如虹就係人都知，今晚佢哋合作嘅三匹馬排晒喺頭三場，當中頭場「幸運多寶」上次只係跑近，已經成為3.5倍大熱門，值得重視。

　　雖然「白沈」合作好愉快，但千祈唔好當大摩冇到，話晒白德民都係呢個倉嘅主帥，所以尾三場，佢將會騎番摩廐馬。至於怪飛馬，正是第七場「賞惑」，暑期時周某已經好奇怪，大摩馬房點解會收一隻畀蔡神仙用到盡嘅馬？直至上仗，其實都未找到答案，同時因為嗰仗飛數未嚟，最後賠率有36倍，輸九個馬位畀沈廐「洪福齊來」，得第十一名亦無可厚非，但今次轉跑谷草一哩，隔晚飛立即蠢蠢欲動，W曾賣至10倍，有機會見真章，要留意。

　　白德民騎師王抵博

　　騎師王方面，韋達得2.15倍，正常唔應該拗頸，但白德民坐騎亦唔弱，6.5倍抵博。

周仲