佳同大注得手

猪拉多纳

昨晚谷戰舉行兩項錦標賽，結果由華倉贏晒，伍廐「勁有盈」先捧走歐洲巡迴賽高爾夫球盃，接住上演的東華三院盃，則由葉廐「佳同」奪冠，其中後駒閘前着「綠格」成為3.5倍次熱門，大注果然得手。
       
佳同（右）憑凌厲後勁擒下閃耀之星，捧走東華三院盃。

今季葉楚航贏得多項盃賽，其中包括「仔仔女女」、「夢仙」分別捧走保良局百週年紀念盃及仁濟盃，昨晚輪到「佳同」贏得東華三院盃，親自完成慈善團體贊助盃賽「大滿貫」，練者經常行善，果然善有善報！
       
潘頓（左）、葉楚航

針對「佳同」近仗漏閘問題，葉楚航決定替牠除去眼罩和結舌帶上陣，結果變招成功，他說：「有時相同配備用得太久，馬兒會產生抗拒情緒，所以今戰安排『佳同』棄用所有配件，賽前試閘馬兒已表現理想，果然陣上同樣交出好走勢。『佳同』並不容易駕馭，幸好潘頓直路催騎夠狠，屬今次致勝關鍵。今季我才開始與潘頓加強合作，發覺對方功架紮實，又能準確執行策騎指示，是位不可多得的好手。」
       
勁有盈打疊捧兩盃

另一方面，繼上次贏得花旗盃之後，「勁有盈」昨晚再下一城，捧走歐洲巡迴賽高爾夫球盃，伍碧權之後再贏「勁飛揚」，成功起孖。賽後伍碧權說：「『勁有盈』過往慣以前置跑法食胡，很容易受到排檔影響成績。鑑於現時落腳轉慢，故此我讓牠留後一試，想不到效果如此理想。此駒加分後仍有競爭力，希望可以吼準形勢再贏。」