鼓浪春風有分在手

猪拉多纳

　　由於國際賽漸近，今日賽事多為泥地賽，後上馬有冇得追？真係好難講。至於草地C+3欄，向來唔利追，呢點大家都知。此外，韋達已連續幾期做騎師王，呢部贏馬機器重新撻着，不過，有時見好就要收，睇佢今日嗰手馬，未必有能力連續五度封王。

　　第一場第五班1650米泥地。「兵奇臨」今季演出穩定，跑3場獲得冠季各一，俱在泥地取得，先喺一哩勝出，之後轉戰1200米，以為係博懵居多，點知重飛之下入位，演出好有驚喜。今仗回到一哩，路程性能當比短途好得多，加上，對手又係來來去去嗰批，唔多覺有咩阻力。而練者打得王牌再跑，根據之前手法，擺明有心再搏。

　　第二場第四班1000米草地。「鼓浪春風」上場初出跑此程，後上爆冷入位，究竟係休後復出、有強大新鮮感嘅關係，抑或加面箍功效？又有可能係進度納入正軌。不過，唔理邊樣都好，總之，表現比上季有極大進步，目前評分應有賺，如非4檔跑線失利，不無勝望。

　　第七場第三班1200米泥地。「太陽昇」評分唔係有咩着數，在三班係中下級之流，好在自己襟跑，加上跑法主動，成日可以搵到着數。事實上，今季演出愈來愈好，看來漸漸跑起狀態，估計來到季內第4仗，態況或更紮實。而睇睇所遇對手，有能力、有根據、有實力之馬真係唔多，今仗機會應該係季內最理想1次。

點買法

　　
　　「兵奇臨」熱得嚟未至於乏味，一於買單W。另外兩心水，由於都係冷門身份，建議小注一W兩P。而QT場次揀頭場，１做膽拖番幾匹正路馬，好似２３４１１。

資深評馬人　陳華棟