再來旺財施突擊

猪拉多纳

　　今晚大家的焦點應集中在四場國際騎師錦標賽身上，但記得上季該四場賽事，分別編為三場一哩及一場1800米，但今年四關均跑1650米，未知馬會如此編排有何用意？但無論如何，還是吼實已連續五個賽日勝出騎師王的韋達會有着數。

　　近期韋達搏殺手風極順外，原來其坐騎跑谷草1650米的表現亦十分穩定，既然上月至今只得一匹「神勇馬車」跑五名以外（見表），可見投X同程賽事時，其坐騎便似乎值得優先捧場，而今晚四場騎師賽中，列陣第三場的「再來旺財」隨時可替他先拔頭籌。此駒上仗於四班同程跑第十，單計名次毫不起眼，但若非陣中一度被阻後失去應有跑線，相信不會落後頭馬「財源來」四個馬位得第十。這次馬房安排牠於國際騎師錦標賽日上陣，看來已有搏殺決心，事關這匹七歲馬歷來只於錦標賽場合上陣兩次，結果分別於09及10年的國際騎師錦標賽跑第二，今次難得被抽中由韋達執韁，而騎者亦已三度勝出此項錦標，可見「再來旺財」縱排八檔起步亦不能睇小，力足爭入前列。

歐陽志恆