精英財星夢幻魔術仔仔女女帝豪駿駒

猪拉多纳

　　根據季內3期谷A欄賽事，漸漸由季初冇得追嘅模式，轉為比較均等，後上馬不致完全冇機會，而檔位分布也跳出內檔佔優的框框。

　　不過，大熱門勝出率仍然低，對上24場頭馬之中，只得4駒係大熱門身份，呢點要留意。

重心場次　第5場　第三班（80-60分）1200米

　　「夢幻魔術」四升三班再戰，按上賽姿勢及締速，絕對唔會下風。

　　「精英財星」轉到苗廐後，好耐冇跑過此程，係讓路性質或是其他原因？不得而知，但缺課後大閘試得好，工序亦再冇停過，未必影響進度好多，如果計級數，唔會在前駒之下，若果賠率懸殊，後駒更加值博。

　　「仁愛之友」剛賽只係鬥贏「馬風雲」，夠唔夠喺今場贏晒？未必囉，爭腳。「仔仔女女」及「帝豪駿駒」，有可能賺到形勢。

　　「祥勝愛駒」12檔不易跑得好。「最佳孖寶」一招了？睇埋今場可肯定。「龍船旺」唔喺四班幾難爭前列。

第1場　第五班（40-15分） 1200米

　　「雄姿儷影」轉馬房後展現超強後勁，預期會繼續增值，而跑長200米應該更啱腳法。「新三刀王」回到五班又會係另一片天空，唔好介意上場賽績。

　　「京城精英」唔係直路內閃，上場好大機會有P，希望人馬今仗發揮俱有進步。「西域雄心」級數比起前幾駒略高，只係太過失準，寄望1檔幫到手。「都靈一號」和「好精彩」納於邊線。

第2場　第四班（60-40分） 1200米

　　「東方駿馬」最大缺點係未試過負重上陣，仲交唔交得出好似turbo後勁，真係要博。「勁卒過河」上賽前已指出跑過1場有唔同睇法，惜贏得險，不易再W。

　　「飛馬之威」初跑谷草可拍住「風動寶」過終點，唔係容易做到，要尊重。「生豪」工夫斷過，影響有多大難料。「連戰連勝」前速時快時慢，6檔要博。「卡加精神」連仗同程跑得蝕仍喪追，假設換人而跑得較細緻，或可上名。

第3場　第四班（60-40分）1650米

　　「勝利駿駒」焗放令上場發揮唔妥善，仍捱到個P，終於證明四班係略超，如果今場遇番正常形勢，畀佢做啱留放，贏得。

　　「勁擊」近期備戰上與前有別，情況與上季贏騎師賽之前雷同，係擔心過去A欄未好過。

　　「幸運勇士」地莊見盡，除非加罩完全改造，若不，最多爭腳。「清風駒」11檔令際遇難料，但初上一哩即勝唔簡單。「得力助手」嚴格嚟講，上場末段喺未阻之前已衝勢普通，係睇吓今場1檔慳得幾多。「旅遊小子」如跑到之前入圍水準，在今場未必有步速場合，隨時贏埋。

第4場　第四班（60-40分） 1650米

　　「寶成智星」兩仗前在三班同程跑獲殿軍（最後100米仍有勢），之後跑咗兩場處理唔多妥當賽事，轉頭落班對手唔同晒，終於換到賠率及有好位，值博。

　　「輕越直前」唔係失平衡，上場未必輸，本身減分早已過籠，一旦好番，有贏面。「浪漫添馬」唔係梅花間竹的話，正路配腳。「彪形好漢」評分回到贏馬水平，上場出彎過蝕亦追得好，今場係睇吓日籍騎師舞唔舞得掂隻馬後勁。「新力多」唔易跑，考究騎功及操控，如騎師勝任，有能力改寫賽果。

第6場　第三班（80-60分） 1650米

　　「玉峽生輝」老馬襟跑，上賽1200米繼續有兩腳，而此程唔係掹唔到，雖然唔易贏，希望有P。「心中有程」有權單騎自領，可能由頭賺到尾。

　　「駕寶」唔知上賽出彎後連阻兩次有幾大影響，實在上賽前大閘試得唔錯，或一經熱身便到位。「旋風魅力」唔係12檔，可能會用嚟行頭，只因工序妥當，泥閘又反應理想。「追月」及「好旺財」，TF才選擇。

第7場　第三班（80-60分）1650米

　　「帝豪名駒」若地慢有助發揮，而之前可打低「千江映月」、「邦先生」，目前分數未盡。「火熱動感」經常追一段，跑短少少未必係壞事。

　　「明興寶寶」遇到「永得勝」，未必自己要放，轉用守二三位跑法，效果或更佳。「漸信良駒」及「飛快無敵」，試跑唔覺有問題，係賽事中太唔穩定。「開心動力」上賽已感失望。

第8場　第二班（100-80分） 1800米

　　「續領風騷」轉谷草級數贏晒，路程唔覺應付唔到，係博窄場性能。「易搏贏」此程不及一哩有把握，係襟弗作賣點。

　　「開心老友」此程正宗，搏開而復課肯再迫，唔會手軟。「千杯不醉」成日因為被動跑法令陣中發揮有阻礙，希望今場唔會。「歡欣滿載」三升二班其實唔蝕，只係此廐新勝馬，唔係好多隻似「太平星」。

馬會賽馬節目主持　洪禮賢