馬主論戰

猪拉多纳

幸運雄威開勝門

　　馬王「雄心威龍」今日出爭香港盃，我睇馬房應該有馬配合出擊，推介第二場「幸運雄威」，前仗輸畀「陽明飛飛」，對手太強無話可說，但係能跑第三已係唔錯表現。上月尾試閘已見靚，揀大賽日先至上陣，應該係時候打開勝門。

　　另外鍾意第六場「沙場王子」，季內兩戰取得亞季各一，四歲馬表現愈嚟愈穩定，今次繼續交畀巫斯義操刀，人馬默契冇問題，相信可以贏番一仗。

張敬山

卡達聖路有專長

　　一年一度國際賽盛事，大摩派出成隊兵上陣，應該有盃落袋。推介第五場「讚惑」，上場響馬會短途錦標跑第三，證明夠料跑級際賽，加眼罩應該會帶嚟正面幫助，隨時可以奪標而回。

　　另外鍾意第七場「卡達聖」，上場贏得「雄心威龍」，證明呢匹四歲馬今季有好大進步，況且以往四戰1600米，合共取得兩冠一亞一季，擺明路有專長，配郭立基未必係馬房副車，要吼實。

任達華

滿綵進步神速

　　巫斯義向來有大賽騎師之稱，今日係國際賽日，我睇好佢有馬贏。香港盃嗰場，佢騎東廐「滿綵」上陣，表面上呢隻馬卡士輸蝕咗啲，但上場響馬會盃跑得有聲有色，壓倒「魔法幻影」、「加州萬里」入Q，反映進步神速，計落唔係冇條件響度爆。

　　另外推介尾場「包裝之寶」，雖然上場初出跑泥地一哩冇乜睇頭，但熱身一仗之後，今次轉嚟草地賽上陣，隨時會有唔同演出。

寇鴻萍、梁廷鏘