日月暉華「雙梁」破悶局

猪拉多纳

「雙梁」組合雙雙破悶局！季內只贏過一場頭馬的梁定華，經過一輪掙扎後昨晚終於重響勝鼓，憑住五歲馬「日月暉華」殺出血路，贏得個人本季第二Ｗ，至於為他建功的梁家俊，之前亦已守齋12次賽事，如今與梁定華攜手打破頭馬荒，似乎運氣已經返嚟！
       
日月暉華（近鏡）從外檔殺上，僅僅壓贏鑽飾彩虹。

梁定華今季成績僅屬一般，自從9月18日勝出大熱門「八發八中」之後，一直守齋，同時練者亦備受兩匹團體馬「中國好」與「大地王者」股權問題困擾。
       
日月暉華爆冷取勝，拉頭馬卻相當墟冚。
鼻位影贏鑽飾彩虹

不過，梁定華依然默默工作，昨晚終於在第四場取得回報，憑藉「日月暉華」爆出11倍半冷Ｗ，贏得馬房季內第二場頭馬。此外，鞍上人梁家俊亦以「日月暉華」打破個多月無馬贏的悶局，騎練雙雙一吐烏氣！
       
梁定華（左）、梁家俊

昨晚第四場四班1200米，由兩匹質新馬「好香港」及「孫子赤兔」擔起彩池，可惜「孫子赤兔」起步漏閘，而「好香港」則未能交出上次入Ｑ的凌厲衝刺，大、次熱門齊齊死火。相反，半冷門「日月暉華」入直路後從外檔如飛殺上，結果以鼻位之微影贏「鑽飾彩虹」，成功重開勝門。
       

賽後梁定華表示今場頭馬得來不易，他說：「今季我馬房贏馬不多，但亞軍次數卻多達八場，那種滋味絕不好受，今仗終於輪到我駒影贏對手，當然值得開心。事實上，『日月暉華』演出一向忠心準繩，上次中段若非受阻，應可跑得更接近，如今順利補中亦算合理。」