|
|
今日在田草C欄上演賽事，如果根據之前賽果，內檔馬特別着數，同埋，後上馬唔覺有優勢。
講到騎練方面，毫無疑問，今日蔡廐及韋達好多熱門實力馬，贏到幾多隻？冇一雙的話，其實唔多合理。
「精彩日子」連贏兩場，過程冇點用力，但姿態幾誇張，尤其上場造出1.21.74（季內第四快），進度已夠喺一班爭，目前在二班，仲係大人同細路玩之局。
「紅旗勇將」係有讓磅差距互調嘅反先概念，不過，佢自己亦要好進步先有機會。「新希望」全場唯一季內贏過二班賽，希望回一回，可以跑番好。「齊歡唱」二班未上過名，已到阻力區，係輕磅及內檔搭夠。
「滙名燈」及「精算攻略」，級數唔夠，近績普通，但彼此都有些少看好理由，大冷門可拖埋。「喜惑」返草地1400米，會比近仗一哩好跑。
「名舵主」加磅及外檔，處境與上賽唔同，如早段匿得好，尚有機會入圍。「跑得叻」三班此程輸近，落班兼有內檔幫手，有贏面。
「足球快綫」終於排番次內檔，或令整體發揮好好多。「熱錢」唔叻又成日惹飛，唔建議博W，不過可揀之馬有限，勉強要埋。
「熊英雄」未跑過此程，級數則高晒，只要遠征後腳傷冇後遺症，又唔係冇長力，勝望濃。
「芙蓉之寶」初出已揀，已表明未夠態但型靚好腳法，跑落贏得輕易，再出再揀。「華美之星」剛仗唔應該咁早斷，表現略失望。「風雲」暫時進度未足以出頭，跑P居多。「幸運金龍」剛敗可能因為整傷咗，未必係升班問題。
「塑料勁」季內一再展示能力，嚟到第二季開始適應，如喼到上場水準，可望出頭。「標青」上仗冇配件之下，好似完全唔識跑，今仗用番而又用到愛將，畀埋最後機會。
「盈嘉飛駒」跑番田草會比谷草啱，論分數已經好低。「偉感」又係極失望，睇吓2檔幫幾多。「八飛」睇最近操練，似係為今場，田草係盲門，不過，有賠率唔怕博。
「團隊福星」上場有拖，贏得亦清脆，雖然呢個馬房少打叠好，今仗好位易跑，對手又有限，可能仍有「食慾」。「英雄得勝」揀跑線好老襯，令到上場冇P，換人跑好正面。
「強駒」刻意操住唞，有晒新鮮感及體力，重返田草，成績應該唔會又係三三四四。「實在好」已兩度克服此程難度，要重視。「齊鼓掌」工夫及配搭似樣，奈何此廐好少馬可以連續兩場入圍。
「尚駿心」落班前輸得遠，只因早段跟前咗，跑法問題啫，與實力及態況冇關，如果交得番之前喺三班入P嘅能力，已經有贏面。
「小宇宙」初出放得快都唔斷，好速度且韌，再跟進。「跑寶貝跑」試到第3個大閘好咗唔少。「喜萬家」食老本，經常會接近而難贏，但專登唔報下周三谷草1000米，部署唔跟章法，要小心。「騎士皇」早前1000米大閘試得靚，唔係排內檔，本有機會，依家就要考慮早段挨唔挨到出嚟。
「和牛」唔係喺內欄塞死，上場應該贏，但顯示到今季確有進步，四班負重冇問題。「勁加勁」轉場、縮程、換配件，全部係有利因素。
「真慷慨」和「金鑾大殿」，此程會比1400米更啱追。「威騰駒」評分已減多咗，但陣上一步都冇，實在「可怕」，惟今次賽前工夫係有唔同，唔排除忽然變身。
「桂花飄香」轉番後上跑法，上場即刻唔同，證明真係跑夠，狀態返嚟，今次肯回到田草1400米，到位。「利駿」及「精彩遊戲」，1隻成日追極追唔切，另1匹死步頭兼外檔，條件皆不足，最多爭腳。
「有綵」除眼罩及加程係正確方向，不過，要博進步，事關陣中仍有「立亂」感。「電訊超星」排內檔，預期沿路位置或似上場，繼續賺腳程。
「太極至尊」剛賽有揀，已指出前仗追得唔係差，而由谷草轉戰直路賽，有好冇壞。「勁闖駒」內檔及重磅，備受考驗。
「藍城堡馬」揀開，四升三班恃輕磅，未必比下去。「首飾達寶」暫時進度未夠贏，限爭P。「御鋒」轉馬房初出，未知除罩係好定壞？！「紅運福星」用埋加眼罩呢招，「分手」前拖多注。
「新力多」及「中環英雄」啱啱贏完，但後駒冇咗內檔唔知留成點？前駒升班、轉場、換人及加程，所有嘢唔同晒，喼唔喼到係兩睇。
「印度光輝」外檔反而影響不大，只因同場冇馬走，食正跟前有利局勢。「川河名駒」唔只有轉倉概念，路程亦係來港後最啱1次。「高分貝」經常好開就好，只擔心步速慢，不易發揮。「爪皇豪火」有本事全程「外遊」，兼初跑長途都輸唔遠，上賽攞個第五名好犀利！如稍為留放番好啲，有力突破。
「天外之天」憑新鮮感喺1200米入圍，不過，見佢好後先至撻得着後勁，上仗佳績完全係質素使然。開氣後循正途上番此程，部署恰好。
「城市之都」勝在當打，惜排檔差；「快利多」外檔隨時留得唔順，發揮唔出應有水準，兩駒略欠冠軍相。「安甲」希望跑完上場，強化到末段貫注力。「賽特樂」肯跑中程，已要開始留意走勢。「華利多」休後大閘試得好，睇唔透。
|
|
金睛卡
发表于 2011-12-17 10:01
变色卡
显身卡