共創未來級數秤先 級數秤先

猪拉多纳

　　第六場三班1200米。「勁飛駿」轉賀廐初出即贏，賽前已指出，如轉倉概念唔係幻想，唔使求隻馬進步好多，喺三班已經有得揮，結果贏得好容易，望望時間唔快，比起另一組慢接近0.15秒（頭馬「搏得分」，今次同場），如果睇番佢當時點贏，其實用力有限，感覺上同試閘分別唔大，係咁意喺最後100米望空騎咗幾步，之後拋離後列對手，所以，唔使計較締速唔快，而對手只係季內搏嚟搏去唔識贏嘅「輕輕鬆鬆」、「江山如畫」、「多多昇」。

　　今仗負磅不加反減，雖然對手級數係有唔同，唔見得佢會比唔上。再睇埋贏完嘅工夫，仲整多個大閘，而柏寶肯摸實，有晒決心再爭W，希望可打破季內此廐未有打叠W嘅數據。

　　第七場一班1200米。「共創未來」今季連跑3場田草，對住嗰批馬大部分係國際賽選手，唔夠鬥冇得好講，但佢未試過輸得遠，仲曾經有1場跑到入P，轉場後級數唔係人咁品！當然，今場仍有兩駒處境好似佢咁，此為「美猴王」及「飛闖」，而兩駒仲有谷草賽績，反而「共創未來」係初跑，但如果結合埋排檔形勢，1檔嘅佢，要博嘅風險冇咁大。

馬會賽馬節目主持　洪禮賢