怪飛支援威力高

猪拉多纳

　　嚟到2011年最後一次谷草賽事，究竟開熱定開冷？噚晚睇飛，八場有五場由今季未贏嘅馬擔旗，小心啲。

　　怪飛馬方面，真係畀第五場「威力高」嚇親，唔知咩原因，佢隔晚W得8.5倍，P更得2.2倍，一度成為位置大熱門。雖然話負輕磅返贏馬路程啫，但啲飛唔使咁激嘛？呢匹馬今季四仗，最後賠率都喺19倍及以上，上場仲要53倍，跑落又近都唔近，唔知憑咩落飛。但係，有時唔可以唔信邪，尤其係呢匹馬，事關佢近兩次無厘頭有飛都有計，上季四月十三日，佢突然由總場次491嘅99倍變成9.5倍，結果有第三。而五月一日又係咁，由總場次584嘅38倍變成3.2倍，最後贏埋。今次又嚟料，唔通有料到？信佢。

　　杜利萊騎師王有飛

　　騎師王方面，杜利萊得4.25倍，確係少見，睇番佢今晚啲馬，果然夠惡，不如買佢。

周仲