八心之鑽馬身壯

猪拉多纳

　　昨晨跳馬細水長流，七時正草地千八米開放供馬匹試跑或彈閘，不乏睇頭。

　　「八心之鑽」卓利在草地試八百米，腳法頗熟，走來似模似樣，馬身夠壯，在冒起中。

　　「勇先生」助手試千二米，緊韁扣實，走勢強勁，火旺神生，活力充沛，愈戰愈勇。

　　「高友勁」副練試八百米，步伐整齊有力，馬身紮實，神色亦好，近況有進冇退。

　　「好球」助手試八百米，清風送爽完成，落腳輕快，雙目有神采，續好多少。

　　路路好情緒集中

　　「路路好」告達理試八百米，出腳爽朗，上勁起力，情緒比前集中，日益成熟。

　　「三和之星」鄭雨滇試八百米，馬身飽滿，勁力均勻，拼後健康穩定，未見低落。

　　「安鞍」副練試八百米，動作靈巧，身壯力健，操養得宜，予人印象不錯。

　　天瞳走勢順暢

　　「天瞳」助手試八百米，走勢順暢，勁力有增無減，與上名時比較，不遑多讓。

　　「花月佳期」郭能試八百米，助手策退役馬佔先乘多帶放引導，轉入直路已縮短距離，外檔的「花月佳期」終點前以頭位壓住對方而回，脾氣收斂，體力已告復原，進度良好。

　　「不老精英」梁家俊試千二米，助手策「齊齊掂」佔先乘多帶放，最後二百米外檔的「不老精英」獲准展步上前，結果贏兩三個馬位過終點，走勢引人，惟操好賽劣之馬，演出不太可靠。

　　上海先鋒鬥心強

　　「上海先鋒」助手、「穿針引線」都爾結伴在草地彈閘，前駒躍出最快，佔先乘多帶放，最後四百米「穿針引線」加速趕上，一齊衝線，惟腳勁平平；「上海先鋒」奮力抗衡，饒富鬥心，八九分勇。

　　「蜚聲國際」白德民、「駿威煌」沈集成在草地同試八百米，前駒落後乘多跟隨，最後一程「蜚聲國際」稍騎兩步，即灑開大步追上，爭持下未分勝負，運步靈活，加速力強，成熟程度邁進。

　　「拼勁」巴米高在草地彈閘，應聲而出，步幅開得闊，彈力充盈，仍具上名水準。