陽明飛飛級數高

猪拉多纳

　　第十場三級賽1400米。「甜將」跑12場未失三甲，4歲配售精英賽績太準，唔知幾時到頂，不過，睇佢上場贏馬過程，以及上季曾屢次擊敗百二分過外「勁飛寶」往績，初次挑戰級際賽，依然具壓倒性優勢。此馬季內繼續進步，尤其近兩仗1400米，曾狂追「傾力之城」，上場仲造出季內此程最快贏馬時間，反映呢兩場嘅進幅比加分幅度快。如果唔似最近嘅「醒目精英」，無端端腳軟，有望捧盃。

　　第十一場二班1600米。「陽明飛飛」季內3場贏晒，由1400至1600米，冇1場畀對手埋到身。

　　今仗留在二班，負磅加咗幾多，唔係冇死火可能性（三季內上陣7場最重124磅），但同場好多對手輸過畀佢，仲要有部分唔只輸1次，級數方面真係幾大距離。所以，呢場唯一要博嘅就係132磅呢個負面因素，希望佢孭到磅，可保持不敗之身。

馬會賽馬節目主持　洪禮賢