伍碧權砌威水福星

猪拉多纳

　　今晚谷中八場賽事，柏寶、楊明綸及蔡明紹停賽復出，應該特別有鬥心，不可不防也。當中柏寶早已為復出做好準備，積極尋找實力坐騎，昨朝見他與不少練馬師交頭接耳研究軍情，當中包括文家良、方嘉柏等，但最好傾仍是多年合作無間的賀賢，二人在烽火台二樓商談後，又在機坪欄邊咬耳仔，動態不尋常，今晚二人合作「五星酒店」及「飛躍之旅」，值得一敲。

　　至於柏寶另一坐騎「威水福星」，前朝由騎者親自考驗後，即見伍碧權與柏寶密斟一輪。而昨朝此駒加課後，又見練者在旁跟實，對牠大為緊張，必有所圖。

　　「威水福星」近兩仗均無功而回，今次唞近兩個月再來，儲足新鮮感兼養足體力，強配柏寶且排得一檔起步，皆有利其發揮，力足重開勝門。

　　另外，法國年青好手紀仁安近日亦落力操馬，如出爭第四場四班1650米的「叫關快」，近朝便由騎者親自出試。「叫關快」上仗久休復出亦能後上入Q，可見實力不簡單，拼後匆匆復課，可見健康回穩，今番值得一捧。

韋柏