駕寶檔佳有冷味

猪拉多纳

　　賭博士很喜歡與普羅馬迷談論馬事，因為「散戶智慧」，往往極具啟發性。

　　曾經有位馬友向賭博士指出，馬少場合容易爆冷，雖然箇中原因他一頭霧水，但總之數據如是，他建議我不妨多加留意。

　　實際上，是否馬少場合就真的容易爆冷呢？賭博士記得今季總場次315，僅得八駒參戰，「傲男」被捧至1.5倍大熱，最終跑梗頸四，令捧場客WPQT盡斷。

　　該役頭馬「漸信良駒」獨贏42倍，Q搭「天瞳」派近兩千元，另外「高分貝」殺入T腳，結果三重彩派三萬幾。事實證明，散戶理論有料到，區區八匹參戰馬，卻可爆出巨冷。那麼明晚只得九駒參戰的第三場賽事，大家又點睇呢？

　　「駕寶」上仗角逐谷草1650米跑尾二，劣績當前勢必令人卻步，不過賭博士認為，馬兒剛戰之敗純因12檔累事，出閘後要費力埋欄，直路又飛出外叠衝，所走的冤枉路無數。今次有幸抽個3檔，強配巫斯義亦預期火燒唔熱，希望馬友的理論再次靈驗！

　　另外，頭場「實業傳奇」近兩戰均入Q，處女馬鬥志不用懷疑，雖然一再搏失，但幕後仍對潘頓委以重任，賭博士決定信多佢一次。