實業傳奇拔頭籌

猪拉多纳

　　明晚葉楚航馬房有多駒參戰，馬房消息傳出要留意「實業傳奇」、「勝任有餘」及「連利福星」，三駒均有實力取勝。列陣頭場五班1800米的「實業傳奇」，近兩仗均在潘頓胯下入Q，證明其狀態回復水準之餘，人馬亦特別合拍，今番原庄配搭再來，有力先拔頭籌。

　　出爭第三場三班1650米的「勝任有餘」，亦是當勇之馬，上仗在同程拼入亞席，僅以頸位之微不敵頭馬「千江映月」，卻壓倒季軍「邦先生」，後駒之後兩仗均順利勝出，評分更升至96分，反映「勝任有餘」現評73分肯定有着數。今番此駒再爭谷中一哩，續配吳嘉晉有十磅可減，對其發揮大有幫助，有力一放而返。

　　至於列陣第六場三班1200米的「連利福星」，上仗在同程拼入一席亞軍，僅以個多馬位不敵頭馬「享耆成」，足見狀態回勇。現時此駒評75分，僅較上季贏馬時高兩分，於三班作賽甚具競爭力，難輕視。

梁杰