馬主論戰

猪拉多纳

　　天久卡士秤先

　　今日有場本地一級賽主席短途獎舉行，我睇好「天久」可以捧盃，之前贏香港短途錦標，已經說明穩坐現今本港短途馬第一把交椅；上場跑直路賽大半程望唔到空，敗不足據，今次跑番1200米有力橫掃。

　　另外推介第三場「首飾孖寶」，上場初出即彈甩「超級精神」四個馬位贏馬，實力深不可測，做足工夫先嚟跑今場，真係唔易搵對手，應該係蔡廐今日過關纜躉之一。

張敬山

　　吼潘頓豐衣足食

　　潘頓剛啱中三元兼捧盃，手風順到不得了，今日一於再吼佢啲馬。推介第三場「豐衣足食」，上場只係輸條頸畀「好勝煌」跑第三，計評分仍有上升水位，相信潘頓一定會砌到贏為止，鬥志唔使懷疑，值得再追。

　　另外重頭戲主席短途獎，潘頓攞番「小橋流水」嘅帥權，相信唔會再怠慢，而且呢隻馬依家跑1200米，其實比直路賽更啱發揮，跑平磅賽唔會輸蝕卡士，要吼實。

任達華

　　薄荷糖質高連捷

　　方嘉柏近期氣勢如虹，已連贏五個賽日，今日方廐亦有唔少惡馬，我睇繼續有馬贏。

　　鍾意第七場「自由勝」，早排響谷草1200米同田草1400米上名，都只係輸畀頭馬少少，響三班一定有着數，今次轉跑泥地1200米，對手冇咁強，可以贏番一仗。

　　另一匹要留意嘅方廐馬係第九場「薄荷糖」，上場初跑三班賽一樣贏得輕鬆，質素擺明高，再跑1600米連捷冇難度。

寇鴻萍、梁廷鏘