小宇宙千軍萬馬飛快威香港至尊 富貴金龍天久共創未來新力勁

猪拉多纳

　　今期8草2泥賽事，草地採用B+2欄，兩場泥地俱跑1200米。根據近仗賽果以論，B+2欄冷W唔算多，賽道亦唔係好大偏差。至於泥地方面，呢排模式唔係特別利放，反而後追馬經常有着數。講到騎師兵力，韋達騎足咁多場，但個別坐騎其實唔叻，宜小心揀選。　　

　　「阿哥精神」初出之前，試大閘有頭冇尾，出賽剛好相反，造出全日第二快拉士，究竟係重新鮮感促成，抑或有分在手，今仗轉至外地曾勝1400米，應有答案。

　　「首飾孖寶」首戰大勝「超級精神」，過程輕鬆到極，質地當然犀利，但假如今場冇上場放得咁自在，又克唔克服到？要視乎進度了。「豐衣足食」及「馬風雲」上場同場，喺直路受到一定阻礙，不過，之後已有足夠時間畀佢哋衝，勁勢唔算嘭嘭聲，不宜放大受影響程度。「金鑽龍華」檔好，唔使又走外叠，略似之前揀佢入Q時形勢，可博入腳。「賀喜」如果又用上場戰略，今場更難追。　

　　「長勝」唔係沿路喺開便蝕到盡，上場至少有Q，今仗排內檔，預算會守好位跑，效果或好得多。

　　「風陵渡」落班前專跑盲門路程，名次如何唔使理，而呢次賽前工序略不同，選擇路程亦唔同，目標在此。「厲行星」弊在近績梅花間竹，呢場唔知可會維持到？！「齊鼓掌」衰在把口，向來唔易穩定，縮落短途其實仲好。「鋁合鎗」前仗一哩輸近賽績，放在今場夠用。　　

　　「鋼志」及「精彩遊戲」剛剛同場，後駒有檔位優勢之下入Q，前駒追唔到入三甲明顯輸跑法，而今場形勢有別，未必冇機會反先。

　　「財神駕到」成日要喺內欄慳盡先至有P，目前進度唔多，好彩今仗有2檔幫手。「時來風送」今季初出跑得好論盡，不過，人與馬同樣有責任，倘熱身後稍有進展，足以入圍。「家傳碧玉」回到唯一上名路程，再畀機會。「晴天」上場純冇泥地，大敗勿介意，實情初出三班此程唔算跑得差，大冷在此。　　

　　「英雄得勝」五班跑3場冇P，全部有藉口解釋。希望今場唔係健康有事，發揮又唔會似前仗咁唔果斷，咁就有機會贏。

　　「新三刀王」係博1檔賺晒，沿路靠大步或可入圍；「叻先生」處境其實大同小異。「實在好」及「八佰匹」，計跑法、講形勢，後駒或會較有利。「風度翩翩」14檔焗放，可能仲好跑，始終係大步而不擅鬥之馬。　　

　　「小宇宙」愈跑愈易留，唔再口勁重，加程係最佳時候。「千軍萬馬」轉路程而再遇前駒，鬥進度及經驗略輸蝕。

　　一對初出馬，「綠豆爽」同父馬在港初出大部分都麻麻；「宇宙駿駒」曾停課、大閘兩頭片，如果初出已可上名，至少值三班中上級。「香港至尊」加配件如改善到嫩水跑姿，或提升名次。「飛快威」兩場中程稍嫌跑法進取，一樣輸唔遠，忽然縮程，一旦今場執正跑法，呢匹分利馬有權贏晒。　　

　　「黃金褭蹄」上場唔係末段喺內欄被box死，至少有第四，看來跑至季中已漸漸有番生氣，而落班肯加程，先博一注。

　　「金剛驃」、「超綵」和「威騰駒」，正路配腳。「喜運財星」跟啱位而上場冇P，演出反不及略蝕嘅「感恩」。「大地王者」除咗冇用配件，小心突然返嚟，只因評分太筍。　　

　　「龍城動力」連續兩場冇影，輸完順勢安排小休，之後重新做過晒工夫，大閘亦試得夠主動及貫注，唔好睇小呢匹曾勝「魔幻大師」嘅馬。

　　「夢幻十一」未有泥地經驗，得與否要靠估，尊重近績才拖。「一寶」初出大敗，騎師有大部分責任，是次5檔如夠決心搶，未必變唔到身。「飛躍之駒」適應多1場三班賽之後，呢場對手又冇上賽咁強，有望升級，係怕早段多馬走受到影響。「銘記心頭」往績顯示三班係戰場，未必冇食慾。「勁飛駿」轉場或想博賠率，好醜睇埋今場，話晒剛賽仍有兩腳。　　

　　「富貴金龍」及「共創未來」，在系列賽首關差唔多齊到終點，前駒騎師當時略心急早咗發力，同埋，路程冇咁合適，按理轉戰此程，應可反先。

　　「天久」直路賽蝦到佢，呢場情況會係兩回事。「小橋流水」與「蓮華生輝」，一再失望。「鷹之團」非直路賽不易再上試高位。「時尚風采」體力係關鍵所在。「新力勁」有番場熱身，轉戰此程已具危險性。　　

　　「薄荷糖」三班首戰即勝，爆贏「太平星」過程唔辛苦，加8磅仍然有冠軍相。「天瞳」唔係受困，上場已經贏咗，佢又係可慢步速喪追，今場啱晒。

　　「飛翔星」初出後上係有勢，但嚴格講，衝衝吓冇再變速，係因為未開氣？路程未係最夾？呢場1600米會了解多啲。「大衛精神」如肯略作改善，跑法唔咁落後，或有轉機。「尊勝福星」發揮咪再畏手畏尾，三班一樣夠跑。　　

　　「精奇」太銳，加上今場形勢利於後上馬，負磅輕，有資格再贏。「金堡龍華」未必完全受惠上場早段快至追得好，因為途中唔係冇蝕位，近仗表現值得跟進。

　　「愜意小開」前仗面對強手之下追得好，隔完場變化地，終於重返此程，可博。「花月春風」較另外兩匹初出PP為佳。

馬會賽馬節目主持　洪禮賢