享耆成搶分唔衰得

猪拉多纳

早在暑期採訪組已報道，「享耆成」馬主鄭錦鐘同練馬師李易達爆晒響口要爭1010百萬挑戰盃，經近期兩連捷後，此駒已重返爭標行列，僅以5分之差落後上周三搶分失敗之「邦先生」，換言之今晚只要跑個亞軍已可迎頭趕上，當然贏埋則更理想矣。
       

李易達：「享耆成」雖已五歲，但競賽里程尚新，目前仍在不斷進步。此駒以往情緒欠集中，加配眼罩後喜見明顯改善，近仗取勝過程未算艱辛，復課所見馬兒體力仍佳，唯一擔心是贏馬後加分不少，且看今仗乘勇態而臨，加上有輕磅之利，能否克服連跳兩班的難度，征服強手。
       
享耆成前仗捧走香港會盃，上場再出再贏，大大增強問鼎百萬挑戰盃本錢。

潘頓：「此時此刻」此程性能屬同組數一數二，前仗千二米面對幾匹分級賽常客，雖慢閘仍可後發先至贏馬，較前更進一步。今場負頂磅無疑有礙爭勝，不過此馬鬥心強橫，隨時可再建奇功。
       

葉楚航：「佳同」今季大熟大勇，已累積兩贏兩位，最近狀態跟勝時無異。一千米看似嫌短，但今場快馬眾多，鬥燒扯急步速，我駒便有機可乘。百萬挑戰盃仍未完結，必繼續盡拚爭標。
       

鄭雨滇：「大把在手」忠心可靠，且場地性能廣泛，轉場縮程絕不擔心適應問題。早前此駒由我試泥地1200米閘，一放到底走勢出色，狀態保持水準，今次負磅雖仍重，仍有權殺入前列。