高伯新托腮諗計 金得意衝擊第5W

猪拉多纳

今季首匹四捷馬「金得意」，明晚衝擊季內第五捷，昨晨高伯新自然對牠特別肉緊。
  
金得意





接近七時三刻，練者特意安排此駒與廐侶「勝風」拍跳兩段作最後試跑，出試期間高伯新走上烽火台二樓食胡位（目及）到實，右手執望遠鏡，左手托腮，似乎正在盤算今仗機會，其後遠眺兩駒準備折返，他即時急急腳步往機坪接馬。
  
金得意、高伯新（右）




甫見人馬返抵，廐主已急不及待向鞍上人問長問短，由機坪一直跟返馬房。「金得意」賽前又彈草閘又拍跳，備戰積極，而且高伯新如此着緊，再以杜利萊原裝上陣，今次唔搏還待何時？