李易達又贏五班賽

猪拉多纳

李易達近期不斷喺五班賽事搏殺，繼之前靠「添多福」同埋「風度翩翩」兩隻五班馬食胡後，尋日佢就靠七歲老馬「天下寶」嚟料，贏咗第二場五班泥地一哩，馬房近四場Ｗ有三隻都係五班馬，而禮拜三谷戰嘅五班一哩，李廐就有「天寶之威」列正選，不妨吼實。
  
天下寶外欄趕過對手，取得久違了的勝仗。


天下寶健康好番晒


賽後李易達就話呢隻「天下寶」之前喺四班頂贏馬，估唔到要等落到五班先至可以再贏，佢自己都覺得好失望。達哥又講番「天下寶」本身情緒唔穩定，健康又試過有問題，腳又有唔妥，所以佢都畀咗唔少心機落隻馬度，今次試埋個泥閘先至跑呢場泥地一哩，已經做晒工夫，好彩呢隻馬及時生性贏番場，今次嘅努力總算有回報，佢自己都好開心。