永顺益上海先锋好精彩马运来

猪拉多纳

　　今季谷草B栏长期利外叠衝，排档内外也不拘，希望此模式不会忽然在今夜转向。

　　骑师方面，是赛潘顿及劳爱德各有不错坐骑，尤其係连赢7日嘅前者，睇怕今晚条缆未必会断。　　　

　　「幸福满满」能够喺两场之内，由抢口难留、出脚杂乱，变得操控幾好兼可留後衝，进度好明显。由於今场唔係大外档，或会改为守中间跑法，效果可能仲理想。

　　「军刀」刚仗直路抄出外叠追，与前驹同到终点，今仗再遇，冇理由唔拣埋。「仔仔女女」目前分数要喺1200米搏已感吃力，反而缩到此程仲有机会，情况就如前仗，加上是仗比当时少负9磅，危险性续增。

　　「江山如画」係担心搏到攰。「宝正劲」刚仗跑法並无诚意，同埋，中程唔多啱。今仗跑短400米，按前仗1200米衝到最後百馀米仍幾好势，此程可能啱啱好。「幸运多宝」冇栏、守唔到好位，喺叁班好下风。　

　　「飞天龙驹」前仗赢得轻易，隔完一场田草当回气，实际今场负磅只比赢马时重3磅，B栏又利佢後上跑法，或可再捷。