育成王子继续赢

猪拉多纳

　　第九场一班1200米泥地。「电光能源」今季冇场跑得好，但唔係因为马匹实力、状态，或练者部署问题，原因係评分过高及跑草地。自季初120分开始慢慢减，6场败仗换来16分下调，练者处理上做得恰好，刚刚赶得切报跑此场105分上限泥地短途，点会错过两季以来嘅出头机会。

　　讲到此马能力，公认係本地一级泥地王，负顶磅、排外档一向冇问题。如不是短期内再出顶唔顺，又或者阵上遇意外，叁甲稳阵。

　　第十场叁班1400米草地。「育成王子」连赢两场此程，着眼处唔使放喺赢过咩马，反而係计算本身有幾大进步空间。

　　一连两仗1400米佢都係置前，论步速形势及处境，前仗轻鬆得多。回头睇番上赛表现，的确係好大考验，131磅唔在讲！仲要前中段跟急咗，与及曾在二叁叠望空拖得辛苦，入到直路可以衝到尾，兼且冇之前闪左闪右毛病，缔速亦够说服力，已觉此赛头马水準超出四班了。故此，今仗跑高半班，有权直落取3W。