欢欣星变招郁手

猪拉多纳

　　菠菜呢家嘢，願者上钓，阁下喜欢的话，十五蚊唔觉热，中咗可能大呼高水！又有马友可能会认为十倍都嫌热，所以，界定赔率係冷係热，因人而异。但阿栋向来奉行值博与否，太热从不建议沾手，忍一时嘛！嗱，今期就係好多隔晚廿幾叁十蚊热门充斥其中，大家小心分析嘞。

　　第叁场第四班1200米。「欢欣星」近仗有飞又输，冇飞又输，最叻係跑第四，表现唔係好，原因在於配搭？骑师？路程？好难一概而论。但今仗至少有两项变数，其一，转用外籍师傅；其二，由中距离缩回短途，可能会带来转变，事关季内跑得最好幾场，全数係1200米赛事，如果今场多快马鬥放，你走佢又走，直路呢匹马段後劲应可尽情发挥。

　　第六场第叁班1650米。「红日」一连两场入Q，前仗係廿幾倍冷门，上场捧到4倍大热，一样冇欺场，阿航啲马就係有呢样好，襟搏又唔闪缩，冷热都去。当然，呢匹马已届7岁，搏到嚟呢场仲有冇足够体力，真係要估估吓，信马房功力，同埋，隻马今季未交代，点都会埋今场，所以，就算赔率略为热啲，都要信。