坐骑不乏实力马 郭能临别留名

猪拉多纳

　　近日陆续有骑师会走，英国骑师郭能跑埋今期赛事讲bye bye，巫斯义亦会提早4月走人。前者暂时成绩唔算好掂，出赛百幾场，取得12冠13亚11季，算係中规中矩。不过，佢畀到马迷一个良好印象，阵上表现相当正气，冇话心存杂念、无故走死位，或处理手法散漫等等，总之，有马跑就搏，死马当活马骑。

　　把握最後机会

　　骑师告别赛，唔一定有送行马，人情还人情！不过，记得之前纪仁安及都尔临走那日，巧合地包办口孖宝。再睇过呢期郭能坐骑，7匹马之中，具有实力唔少，希望佢把握最後机会，赢得就赢。

　　事实上，呢期郭能胯下「威猛」、「多名利」、「花月佳期」等驹，各有独当一面之力。前驹属胡，马房向来慢热，呢匹自购马竟然一场比一场出色，表现出想尽早交代决心。

　　而大摩一对马「多名利」和「花月佳期」，隔夜票数已经对办，前驹两场赛事裏，可有重大转变，唔係进度一日千里，仲会係咩？！以佢外地赛绩，跑2000米自然更劲；後驹用回赢马配搭，点会唔想赢马补中。

Jack