好好机会惊雷神圣驹银飞龙 小宇宙好心思闪耀之星马上得胜

猪拉多纳

　　今日10场採用A栏，从近两期赛果所见，跑法上倾向利於中置型马，排档亦以中内档马较数。

　　练马师阵容上，以大摩及告东尼最似样，尤其前者，今日兵力既强且多，摆出大赛日数胡格。

　　「安陶」初出上名，係咪新鲜感促成？个人唔敢确定，不过，拉士骑师唔多够落力就幾可肯定；在港两匹同父PP「缔造美丽」及「阿哥精神」，初出跑完1200米皆转战此程，交出1W1Q，按理此驹转程有好冇坏，而能力够唔够赢就要视乎质地。

　　「闪烁武士」缩回此程又入Q，可能前仗加程太快，搵出路唔使再转係好事，只担心太重磅会构成幾大压力。「威猛」少数此PP会接连跑得好，如续有「胃口」，按之前两场参与赛事级数，回叁班也不怕。

　　「环保战士」初出输近，惟在最後幾十米劲度略减，宜睇多场作了解。「进胜福星」重戴眼罩，如刺激到摆前走，在今场会「食」到形势。「川河名驹」与「至勇飞龙」大冷才考虑拖一票。

　　「豐彩人生」如直路不是受困，上场未必输畀「叻先生」，今仗再遇有反先可能。

　　「震撼」如跑法或处理上做得不妥当，随时影都冇，所以，五班纵有卡士，亦信心不大。「快意」转回田草，或比在谷草不利处境，发挥得更尽情。「路路好」1档又够快，唔似上赛用力咁多，加程唔怕唔到。

　　「晴天」若果最後幾十米唔係受困，刚仗可能有叁甲，所以，唔使介意佢只係一场水皮赛事输近。终於试路程，搵个硬功师傅，无非想交代。

　　「足智多谋」上赛前已解释再之前为何屡次落败，既已驳缆成功，会继续追。「雅趣」前仗已建议去博，但连搏两场後，信心已不比前时大。「劲威小子」流於均速，加程係好事，好档亦可配合到。「印度光辉」老退中，降至四班，其实未必如想像中有地位。