塑料盈$1,362.5今季最冷W

猪拉多纳

馬少場合係爆冷溫床，擒日響第三場賽事，又再一次證明咗呢句馬場金句，真係歷久常新。「閃爍武士」配合馬房大賽日搏殺，率先被捧成兩倍大熱門，結果包尾而回，甚至連二、三熱門「威猛」及「進勝福星」，全數三甲不入，造就今場石破天驚賽果。
       
塑料盈賺慢步速形勢爆大冷W。
多項彩池齊破季內紀錄

剛於夜賽憑「超力駒」打破近期頭馬荒悶局嘅黎海榮，策騎姚廐「塑料盈」爆出全場最冷W，獨贏派彩高達$1,362.5，屬今季最冷，而廐侶「非常精」包辦馬房Q，加上季軍「創新高」，亦構成今季本地三重彩、單T及孖T最高派彩紀錄。
       
姚本輝

姚本輝呢輪亦成為爆冷專家，早前「開 心老友」食尾胡已經爆出53倍冷W，今期更上一層樓，刷新埋今季單W派彩最高紀錄，不過馬主鄭建生賽後就話練馬師雖然表示馬匹狀態漸入佳境，但就始終信心不足，呢場頭馬絕對係一場意外驚喜。