无敌 转场搏杀

猪拉多纳

　　记得季初全泥夜宴，阿栋就指出呢类特别赛事日，成日有冷门马跑出，结果当晚有唔少场合跑出热头冷脚赛果，有场连赢更冷到四千幾银。既然係咁，咪嫌阿栋长气，再次提醒各位马友，小心为上！想大搏杀，都係留番沙田草地大场面至出手。

　　第二场第四班1200米。「无敌」近仗冇特别吸引走势，之前在叁、四班跑到第五名，又唔係證明好多，究竟係咩料？真係博博。好在之前试泥闸经常有好走势，唔排除係一匹泥地好手。既然谷草连场败北，终於肯转场地作最後尝试，至少文家良有心改变，无非为交差，何况，出到柏宝唔係玩玩，係龙係蟲，呢场有答案！

　　都灵一号摆明车马

　　第叁场第四班1200米。「都灵一号」五班赢完，上番四班连输两场谷草短途，终於上赛回到泥地再W，直路如果唔係曾经受困，有可能赢得更轻鬆。今仗唔再叁心两意，埋心水再向胜途进军，摆明想再搏，睇匀对手唔多叻，加磅有限之下，或可再捷。

　　第五场第叁班1200米。「帝豪骏驹」今季差唔多讲得上长跑长有，季初9月赢完，搏到上场2月尾仲上紧名，真係要讚告东尼保养隻马有一手。因为跑跑去依然在叁班分区，好多对手其实对过晒，唔係咁大威胁。再者，主要对手「天赐福星」排12档，蚀唔蚀得起冇人敢担保，而佢排3档预赚，赔率亦冷小小，抵博。

资深评马人 陈华栋