自家威夹晋仔

猪拉多纳

　　今晚叶楚航出马六匹，其中叁驹起用洋将，另外有两驹配王志伟，爱徒吴嘉晋只分得一驹。XX士大惑不解，吴嘉晋有减十磅优势，这位小将亦听教听话兼骑得，怎会只获师父提供一匹坐骑？讲到这匹「大行其道」，更是全晚争胜机会最逊的叶马，究竟两师徒搞边科？

　　叶楚航将最箩底的马交给晋仔主辔，馀驹却搵他人接手，如此做法未免令人侧目，但依XX士见解，叶楚航对徒弟爱护有加才对。大家不妨睇睇第二场「自家威」及第八场「好得意」，牠们过往配晋仔各有佳绩示人，「自家威」人马合作一次即入Q，「好得意」就更巴闭，曾於晋仔胯下两度赢马。

　　有见及此，XX士认为叶楚航其实是不欲阻人发达，既然晋仔对外搵食有大把世界，又何必加以留难呢？换个角度睇，晋仔上仗骑开「大旋风」，今场却过档改为「自家威」效力，反映後驹应有料到。第八场就更不用说，「好得意」跑泥地1650米路有专长，机会总比「佳同」突出。

XX士