有人重注榄球先锋敌WP

猪拉多纳

　　今日十场本地赛事嘅飞数，其实有个唔係幾好嘅倾向。噚晚发现有一半场合由处女马做大热门，虽然大部分都有近绩支持，但始终有少少戒心。

　　讲到怪飞马，有匹马真係当之无愧，佢就係第八场「榄球先锋」。呢匹马在港出战两场都有隔夜飞，点解上场唔畀呢隻，留番今次先畀？皆因佢上次嘅信心，唔够今次咁劲。话说佢上次在港初出，大家唔知佢係乜水，投X时唔多唔少抱住「都係拖埋佢稳阵啲」嘅博博吓心态，所以有飞一啲唔奇，但今次有啲唔同。话说佢上仗跑第十，呢铺仲要遇「山顶」等强敌，佢个P竟敢曾得一戙？隔晚W又一度压过新胜马「绰力之城」，得6倍左右，咁都唔係信心十足，幾时先係？买佢。

　　韦达骑师王热过火炉

　　骑师王方面，韦达近十个赛日八次做骑师王，得1.18倍有咩咁奇？唔係仲想博其他嘛？

周仲