捧场客狂买财骏福星

猪拉多纳

　　唔知咩事，噚晚第六同第八场嚟咗两注神奇怪飞，今日就主力讲呢两场马。先讲第六场，嗰注重飞降临喺「财骏福星」身上，呢匹马季初的确坚，嘭嘭声赢三场，但近三仗亦回落得好犀利，全部跑六名以外。当然，赔率亦因为佢嘅表现而回升，上仗搞到有32倍W，果然输十五个多马位。照估计，今次就算唔过40倍，赔率都冇理由少过上次。呢个谂法，噚日五点前都仲好啱，但係突然嚟咗阵怪飞，将佢变到得3.5倍W，究竟咩事？唔知道，但既然重飞，冇理由唔跟。

　　旅英骏驹有怪飞

　　至於第八场嗰匹係「旅英骏驹」，呢场恶马多箩箩，先有新胜马「熊英雄」同「一宝」，然後到路程专家「风之子」，谁知一阵怪飞飘过後，「旅英骏驹」得番3倍W，信吓好。

　　骑师王方面，韦达赔率由2.4变2.0，唔似讲笑要追捧。

周仲