超光越影志气高昂好香港劲加劲 包装博士华美之星皇龙战驹利钱伯爵

猪拉多纳

　　今日赛事採用B+2栏，之前两期赛果多数利於守前中置马匹，甚少有头马係靠一条直路扫晒。

　　今日叶廐兵力挺强，出马多、分量足，看来会有攻势，此外，摩廐同样摆出强阵，宜高度重视。

　　「绿色好」之前试好晒路程及跑法，终在上赛转战此程赢马，可击退「小宇宙」，只加6分梗有赚。

　　「开心陶宝」以为前仗係靠悭输近，上赛转跑法一样得，跑落愈来愈叻。「善寳」刚赛输在增程抑或外叠，今场有答案。「电子福星」情况近似，回到胜途兼升班正好考验够唔够料。「安陶」口重难留，要靠快步速帮手。

　　「胜利攻略」担心唔係直路赛，威力或略减。「仁心仁術」又排外档，可能蚀唔起。「名马」就算跑出水準，位望居多。

　　

　　「豐盛之星」加程後能力略进，期望跑长200米有好冇坏。「步如飞」少数五班马经常可湧一段。

　　「天鹰」和「朗天」有能力，惜前驹担心场地，後驹曾有伤患。「速度快」如可单骑自领，随时主宰步速，一如刚胜环境。「潇洒大少」老了能力大退，但见前仗唔係冇衝势，操够再跑兼回到主项，有冷味。

　　

　　「骏威煌」曾在此程输少少，之後成绩倒退，唔知因由，不过，上赛跑法过於主动一样输近，如因应今场好位做啱留放，或有转机。「金銮大殿」赛前工夫及安排出赛时间表，明显与之前在四班唔同，目标在今场。

　　「好精伶」及「豐彩人生」，近绩準，能力则未必及得上前两驹。「上浦骏将」此程要留放一绝才有机会扳到。

　　

　　「无双小子」赢完加分、相隔日子冇咁耐，或会打回原形，不过，刚胜姿态确犀利，要尊重。「威腾驹」连续4场入围，长路唔知幾时尽？！但对手真係唔多。

　　「财神驾到」经常交到比预期更好表现，正路脚。「蜚声国际」对於前仗处理手法仍未忘，输了一场後（另退出一场），成为冷门更抵博。

　　「时来风送」及「胜蹄飞」不算證明太多，却有分利。

　　

　　「银飞龙」搵到最佳出路，如不是搏到有疲态，有力担正。「叻先生」上班够唔够？好难讲，好在连仗见有进步，加上轻磅，减低阻力。

　　「海钻石」和「各适其适」，有前景、试闸好，係睇初出交出幾多成水準。「爱欢笑」係惊之前缺课；「妙不可言」转场有考验，边线马。「四贝勒」愈跑愈规矩，应该好快有表现。

　　

　　「超光越影」短途或中程一样追得劲，好有爆炸力，按理加一磅冇可能会走样。「志气高昂」进入稳定期；「好香港」四班唔困得住，正路脚。

　　「劲加劲」大幅缩程赢埋，新鲜感使得，希望顶埋今场。「白鹿劲」唔知会用咩跑法，希望唔好再摆前走。

　　

　　「精彩日子」跳班差啲赢埋，实力获得證明，再出冇「天久」在场，可坐正。「新力劲」经常季尾才起飞，搏到第3仗，应该仲保持到。

　　「人人兴旺」回到此程，会比长途有把握。「讚惑」前仗经典一哩入P，放在今场够争位置。「步步稳」如有「倾力之城」带住，其实好好跑，小心忽然返嚟。

　　`

　　「小桥流水」此程準、有卡士，虽然连输3场唔知咩事，如回够气，在今场有力争胜。「加州财子」刚在不利场地入Q，唔係冇难度，当然，今场班次有别，充其量争位。

　　「共创未来」成日唔出头，只得準绳一面。「莲华生辉」目前最好係直路赛，惜重磅未必让得起。

　　「新希望」跑线有利又轻磅，操番足够日子才缩程，有边线机会。

　　

　　「渐信良驹」上场虽然悭晒位，但係赢马姿态尚算轻鬆，今次难得抽番三档，少马放场合随时再赚。

　　「首饰孖宝」韦达未去杜拜之前，快试同踱步都摸到实，如果唔係十三档害咗佢，有机会同前驹串翻版Q。

　　「纪利威威」刚仗面对升班、加程、换人三大问题，衝落势头其实唔算弱，有过一场经验，今场希望好啲。「高分贝」愈老愈可爱，跑一哩又準，边线脚。

　　

　　「包装博士」上仗甩晒韁绳都可以追近「驌龙」获亚，实力一定唔简单，今次补中在望。「华美之星」同郑雨滇一向都夹（季内获两冠一季），千祈唔好因为鞍上人唔係韦达就睇小。「皇龙战驹」今季五战田草一哩得一次冇前四名，希望九档唔会对佢影响太大。

　　「利钱伯爵」早前试咗两课大闸，都赢得轻鬆无比，睇呢匹马对上两场追势，增程有好冇坏。

马会赛马节目主持 洪礼贤