安国伦身份转型？

猪拉多纳

　　哪些骑师归纳为冷门骑师？边啲又唔係，有时好难区分，事关有啲会静静地「变节」，明明向来热门马成绩唔错，偏偏季中之後忽然转型，赢亲隻隻冷门，咁呢类骑师算唔算係冷杀手？！係咪佢哋骑亲热门，我哋度马时可第一匹删除，完全摆出嫌弃态度？！

　　唔知可唔可以将安国伦归类冷门骑师，近期赢马全属冷门则係铁一般事实，30倍有「高风格」和「劲辣椒」，冷至50倍过外又有「马到功成」与「森淼猎鹰」。就算跑获二三名（3月至今），大多数都係冷马（10倍以上），数一数计有「龙得风雲」、「幻想家」、「朗天」、「名马」等，独得一匹「绿豆爽」係以次热门身份入Q！

　　写到呢度，唔係我性格分裂，或者自己掴自己一巴，但矛盾随之而来，因为查看安国伦季内大热门成绩，原来又唔差，总成绩为3冠1亚2季3殿2负，11驹之中两匹冇前四名，冇影嘅比率低至18%，即係有超过8成喺前面返嚟，对得住捧场客有馀啩。

　　支持度不及季初

　　不过，有件事就可以肯定，安国伦嘅支持度明显不及季初，坐骑数目似有下降趋势，就算近期出马量略有回升，但比起季初每期郁吓有7、8驹在手，点都差咁啲。

马会赛马节目主持 洪礼贤