季尾争上岸 唔玩捉迷藏

猪拉多纳

　　目前头马数字未达标马房有6个，此乃苏、吕、霍、华、胡及吴廐，前两者只欠1场够数，仲有3个月时间，点可能凑唔够数，何况，苏吕两廐向来头马数字甚稳定，阿Paul係喺上季跌至新低（13W），再之前幾季廿场楼上冇走鸡。至於威哥，对上12年，季季赢廿幾三十场头马，「业绩」好似蓝筹股咁实净，「毕业」只係时间问题。

　　剩下幾个马房单位，边个可以迟嚟先上岸，现时以6W同在榜尾係吴定强和胡森（尾三华廐暂获7W），二人目前拥马量亦差唔多，俱有三十幾驹，称得上係咁高咁大。

　　吴廐往绩唔曳

　　纯粹以往绩而论，吴廐完全唔使担心，过去十幾廿个季度，头马量唔会特别多，但又一定唔会低至界线之下，年年安安全全达标至唞暑，能够做到持之以恒，少啲功力都唔得。

　　至於胡森马房，本来喺过去幾季成绩同样平均，有时一季之内赢多啲，之後便大涨小回，完全係人之常情。但今季经常与马迷玩捉迷藏，一再虚虚实实、实则虚之。

　　希望到季尾时份，要尽最後努力嘅关键位，胡廐会有多啲季初「太平星」咁叻嘅赛驹出现。