育成王子食尾胡

猪拉多纳

　　第十场二班1200米泥地。「飞闯」以百分关口作分界线，101分或以上跑了15场，仅得1W1Q。100分或以下共赛8场，取得4冠1亚1第五名，显示出最强能力喺咩範围。今仗回降二班，对手再唔係一大堆过100分之马，已有接近年半未跑过二班赛嘅佢，话唔定可反客为主。

　　而且今场形势的确与前时有好大分别；排8档起步未免有被顶出外叠危机，但近两仗闸前反应好快（通常係第一二匹透出），未必冇本事早段切入，再讲，同场之中有较快前速对手唔多，只要早段畀佢泊到好位（或可跟「中国动力」），唔係冇资格赢。

　　第十一场三班1400米草地。「育成王子」内闪难骑致上赛鬥输畀「坚旺财」，後驹全程一步不蚀揽住条栏咁滞，估计今仗加磅兼排位差，不易再赢前驹。由於「育成王子」排3档，又会有他驹如「八逢九紫」、「碧海潮生」带住跑，赛事环境料比上赛理想，如果唔係又再内闪严重，要赢季内第4W唔会有太大阻力。

马会赛马节目主持 洪礼贤