齐鼓掌战意旺盛

猪拉多纳

　　今日沙田马场11场赛事，除了头场及第七场之外，馀下赛事场场出马满额，乱局真係唔少，有三幾场预咗会爆！依个人看法，幾场泥地赛感觉较好赌，最终有冇估错係後话，起码赛前有重心、有範围，唔係度极冇头绪。所以，今日拣晒泥地赛作为重心场次。

　　第二场第五班1200米泥地。「齐鼓掌」近两场输得幾难睇，好似完全丧失竞争力，但未必全部与骑师发挥或马匹进度有关，总之，今场用回有用配备，並继续跑泥地短途，至少练者有心配合。两仗前同程可与「长胜」构成连赢，实力在五班唔会冇得赢；预期今场步速唔会慢，早段够快令隻马容易留住跑，最後直路必可交出强横追劲。

　　第四场第四班1200米泥地。「千军万马」初跑泥地即入Q，输少少畀「无敌」，论到赛事水準唔係特别省镜，不过，睇隻马沿路取位，的确係幾蚀章，居然直路仲可以衝番段，真係唔容易。今赛唔好彩又排外档，预咗早段未必攞到好位，但如果唔比上赛差的话，以佢上赛末段追势，今场直路上唔会有幾多匹对手有能力抵挡。

　　第十场第二班1200米泥地。「帝豪骏驹」上场已经作首选，早已指出当时赢在好位、状态够弗及好形势，但估唔到可以赢得咁轻鬆。今场名义上升至二班跑，其实对手与上场差唔多，仲可以话更次一皮，如果此马唔係搏散咗，要再W唔係难。

资深评马人 陈华栋