绿豆爽高耀之宝多利皇大快人心 飞闯帝豪骏驹光辉出击中国动力

猪拉多纳

　　今日7草4泥赛事，草地採用C跑道，而泥地设有3场1200米及1场1800米。按兵力而言，高伍两廐部分出赛马，唔係冇分量。

　　骑师则以杜利莱与安国伦较为看好，虽然韦达及柏宝手上唔係冇好马，但实情有本事赢嘅未必多。

　　「绿豆爽」初出两头拧兼沿路唔願保持速度，一样跑入三甲，翌仗增程跑1400米入Q，成绩与走规更进一步，並跑赢晒超过60分嘅「进胜福星」、「电子福星」等等。今仗回到普通四班赛，只要跌磅唔係有好大影响，档利夹跑法，有望出头。

　　「高耀之宝」冇形势、早段耗力及加程，上场都只係输少少，赛绩犀利。「多利皇」双重加磅係辛苦，但今场可拣而有近绩之马並不多。「黄金褭蹄」如遇慢步速场合，唔易交出十成功力。「大快人心」缺课或令进度受阻，不过，近两仗愈来愈听话，以及肯专心比赛，的确有进步。「辣得醒」刚仗输近未算證明太多；「桂花飘香」上场跟好位冇P略失望，一对马最多争位。

　　

　　「崇山宝」试闸好速度，性情亦乖，而部分同父PPG在港一出即入前列，或早熟早用。「川河快驹」最近大闸唔扣即大胜，速度感不比前驹失色，两驹胜负关键係质地与进度。

　　「夺目商人」早早开操，课期冇停过，严格讲，仲係未够韧力及爆炸力。

　　

　　「生利多」近两仗加眼罩帮唔到之馀，令佢阵中仲急，落班後除去係好事。早於10月中试泥闸，沿路喺马林食泥，末段一样爆赢，场地性能唔应该差，终於等到今日落班至转场地，係咪冇料？今场可知。

　　「风陵渡」操足、唞够、试好大闸，安排上做到最好，老退成点？睇埋今场。「厉行星」及「新三刀王」啱啱一Q返，惟两驹向来冇打叠上名，唔係冇危机。「震撼」以12月四班此程表现，落班够用，但11档唔知早段点处理？！「赢啲啲」及「齐鼓掌」，若遇步速快场合，或可凭後劲争位。「兄弟齐心」一年冇跑过此程，应唔应付得到？其实要博，希望重戴眼罩可提升早段速度。

　　

　　「无敌骏驹」转马房即赢，放得出，就抛甩晒对手，反映练者接手後搵到窍门，由於仍在五班对住大堆普通对手，再W。「八佰匹」跟好位、跑啱晒，一样威胁唔到前驹，今仗排档略差，更不易反先。

　　「大卫金刚」此程同样有能力，始终係近绩靓，不宜看淡。「善风」季初悭位在谷草四班一哩上名，之後愈跑愈衰，唔知发生咩事，但今赛前大手準备，並尝试转配件，期待有转机。「马运来」降班大幅加程及除眼罩，畀埋最後机会，只因还未忘掉早前塞死却输近赛绩。

　　

　　「千军万马」及「雄姿俪影」，刚在同晚两场同程入Q，单以所负距离及时间，前驹好似较吸引，若计过程的话，後驹更加出色，今场唔係冇得鬥。

　　「齐歌唱」如有泥地，级数比前两驹高出一截。「明海光辉」再少负13磅，排档又内移，随时带出捱到尾。「生豪」若遇上早段扯得快形势，有望成为受惠者。

　　

　　「日日中」前仗已拣过，以偏快段速入Q，跑出比预期更好水準。隔了一场输外档谷草败绩，做番够及有充足休息期，排埋13档起步，有权带到。「绽放美丽」和「神采商人」，一对年轻马，跑法及出赛时间表皆以後驹为佳。

　　「好利佳」唔係排2档，属考虑範围。「带喜来」和「真宝马」，跑完今场可能进度更理想，因担心两驹俱曾缺课。「必胜熊」前仗已逐渐改善乱笼缺点，所以，上赛入Q甚合理，好开值跟进。「尚骏心」好少打叠入围（四季得1次），但上场贴得，唔争在贴多场。

　　

　　「中华宝宝」和「雅趣」，曾在同程埋Q，把赛事级数放在今场，会比大部分赛驹叻，係惊前驹分尽，後驹外档难发挥。

　　「印度光辉」要博顶唔顶得顺。「更捷胜」经常追番段，惜长期三三四四。「喜相逢」太轻磅，加长路程亦好，有危险性，实在上赛有痰後复出唔係冇追势。「福陞」唔慢闸又摆到前中位置，四班长途够上名。

　　

　　「万醒驹」三出冇W有Q，以佢嘅灵活跑法，改战直路赛都啱。「礼尚往来」两度在不利中线嘅直路赛入围，算係把炮。

　　「高山威龙」试闸似真跑，认真骑，缔出幾好时间，係惊胡廐初出PP往绩（近3季田草28匹PP仅4P）；「光宗耀祖」情况与前驹近似。「名马」及「牛精巨星」，有速度和档位形势佳，提升威力。

　　

　　「福到威威」1月泥闸末段中间穿插赢得清脆，等到真正输近後始转场，究竟评分仲係咪嫌高？进度仲要等？呢场了解。

　　「非常好」评分比最近两场上名为低，係睇心态而已。「福到多多」近绩太好，路长仍未敢批死。「高友劲」跑法主动、「健康蓝莓」赢在近况，可拖脚。

　　

　　「飞闯」与「帝豪骏驹」，前驹实力在二班略秤先，後驹可取在内档及跑法，单挑之局。

　　「光辉出击」上场受惠赛事形势，不过，羸马赛绩的确坚。「中国动力」冇马走的话，随时得佢放，如有泥地，或可偷袭。「铭记心头」视乎「胃口」，计正二班负轻磅仍够争。「好好彩」上场用嚟行头，惟短时间缩程未必应付得来。

　　

　　「育成王子」再遇「坚旺财」，後驹已加磅及排档不同，不易再W。前驹如改善到走规，赢面大。

　　「胜利之星」及「竞技英雄」，三班俱有前景，勿睇小。「龙城动力」上赛发挥及际遇均不好，换人成冷，但此程唔係唔掂，更值博！「齐哈哈」与「八逢九紫」，限争三至五名。

马会赛马节目主持 洪礼贤