季尾B栏变咗心

猪拉多纳

　　今期在谷草上演10场日赛，从前呢类赛期，唔爆先奇，之但係，季内23/10嘅谷草10场日马，又唔觉爆得乜出样，由头场W「幸运纪录」，至尾场头马「户外名驹」，喺8倍以上赢马得两件，10场Q之中，得1场派彩多过三旧水。再睇远啲，上季初31/10嘅同类型赛事，10场谷草日赛头马，冇1场W係冷门，俱在6倍楼下。咦！如果冷风吹不成，旧有思维嗰套可能唔啱使，周日未必係扒冷好时机！

　　内档马渐见优势

　　睇过季内B栏赛果，原来1650米嘅大热门成绩ok（周日将设有5场一哩），19匹裡交出6冠2亚2季，胜出率超过3成，写到呢度，算係与开场白「首尾呼应」。

　　至於B栏嘅赛事模式，踏入季中开始已经有转势迹象，7/3那期更加係画公仔画出五脏六腑！因为喺季中之前，谷草B栏条直路，简直係外档冚嗰类马嘅天堂，不过，由8/2那夜开始，唔觉唔觉已有「神勇马车」、「开心驾到」等驹「楔赢」。再到上月初，一堆好档並守好位嘅「大卫金刚」、「梦幻魔術」、「金得意」，赢完1隻接1隻，睇落谷草B栏，嚟到季尾又重投旧日框架，利於靓位及前中置跑法之马。

马会赛马节目主持 洪礼贤