军事出击谷战恶

猪拉多纳

　　每次想当年，哈哈，就觉得自己年龄唔轻，以前谷草举行赛事，场内比依家个啤酒园仲墟冚，真係挤都挤唔入，而日赛更加係人头湧湧，真係好有浓厚嘅赛事气氛。虽然目前谷草日赛在一季之内得三两次，但有总好过冇，畀我呢类资深马迷入场时缅怀吓，喺菠菜以外，感受到其他情趣。

　　第一场第四班1000米。「胜在分秒」会唔会係今日阿航扯头缆嘅首W，唔係冇可能，此廐有幾匹马擒晚特别多飞，此驹係其中之一，可能係出击先兆亦未定。

　　胜在分秒站胜利边缘

　　「胜在分秒」上场可在同程後上入Q，真係幾叻仔，话实嘞，赢得「金湶」，输少少畀「火燎腚」，後两驹季内均识赢四班赛，显示到「胜在分秒」目前亦站在胜利边缘，今场如马伟昌发挥妥善，有力补中。

　　第四场第四班1650米。「家传碧玉」唔係唔好鬥志，碍於实力冇法子，跑亲三班赛冇运行，喺四班变大人！呢场降班出战，並缩回一哩，赛事环境点都比上赛三班长途合适。而估计良安排跑条件限制赛，梗係想对住啲冇咁恶嘅对手，以增加胜算，望落呢场对手，如意算盘应打得响。

　　第十场第一班1650米。「军事出击」配上柏宝，唔使问阿贵都知係搏杀格，哗！近日呢对组合真係劲，用时下年青人用语，简直係like爆！好多合作马非冠即亚，準成咁，边有得唔睇高一线。而呢匹马赢过此程，回到谷草当然恶极。

资深评马人 陈华栋