幸福满满仔仔女女东成西就搏得分 红运福星尊胜福星骏蹄飞榄球先锋

猪拉多纳

　　早前讲过，如果挨近季尾令赛道模式有变，就要小心今日谷草B栏，可能会变番利於好档、前中置跑法之马，当然，要进一步确认係咪「变咗心」，亦要视乎头三两场中短途赛果嘅方向。另外，今期杜利莱与柏宝俱有不错兵源，属重点拠骑师。

　　「幸福满满」多番遇意外，才会令上赛冇P，总之，根据再之前两场赛事中表现嘅进展，在三班够赢。

　　「仔仔女女」评分略高，但早已指出，缩至此程会比1200米冇咁失势。「搏得分」情况似前驹，此外，如早段够快，最啱发挥。「东成西就」初出前已试谷闸，走得轻鬆过该组前三名，热身後转场要小心。「顺利得胜」跑亲谷草会「片」又挨身挨势，11档唔易搞。「劲无极」6档稍稍尴尬，如早段抢前，担心畀其他快马烧乾，留守中叠又要博泊到好位，不过，佢已懂留力及放鬆心情跑，若环境配合，或有突破性演出。

　　

　　「胜在分秒」啱啱入Q赛绩未必如想像般犀利，或者係当晚场地有利。所以，今场档位内移，唔係等於赢面大咗，只係机会马之一。「喜万家」通常5月打後例有动作，目前未到时候？但今场对手确水皮，摆到前走亦可能捱到。

　　「金钻龙华」唔再密密跑，落班後处理上唔同，储够新鲜感，此程一样胜任。「胜利大将」唔係10档，本有入围条件。「一言既出」内档靠悭博赚，料子有限亦唔排除有P。

　　

　　「马皇帝」及「京城精英」各有各热，又唔係冇风险，前驹再遇「超力驹」，单计上场彼此表现，未必反先到（又大幅跌磅）；後驹则要博出闸得唔得。

　　反而「怡情养胜」近仗出现稳定演出，若跑得出输畀「威水福星」水平，今场最有冠军相。

　　「好好运」脚伤应对进度有碍，因嫌早前试闸未算吸引。「魅力影子」前赛直路唔算肉紧，仍拍住「马皇帝」同到，隔了一场泥地败绩，又回到此程，小心。

　　

　　「事事顺意」今季係冇进步，经常跑啱晒形势都係三至五名，今场唯一係博10磅仔嘅效用。

　　「神奇飞龙」立心唞够复出，可能比上赛缩程时效果更理想。

　　「同感」输完一场「大外遊」赛事，有番1档，环境唔同晒。「叻先生」跑弗，要尊重近绩。「四贝勒」跑完3场，养成末段韧性及早段hold到，唔係排11档，此仗已建议博W！

　　

　　「家传碧玉」及「回乡精神」均有班利，前驹季内四班长期有P；後驹季初此程获季具指标性。

　　「真奇宝」唔再跑长途、回到一哩並有充足休战期，夹埋好位帮助，条件唔比前两驹失色。「骏马精英」与「喜欣赏」，前驹8档如守不到好位，更难交出成绩；後驹1档啱其均速战略。

　　

　　「傲闯」成条直路打困笼，先至令到上场冇得发挥，不过，冇再见到拧头、内闪问题，未知关唔关有栏或配备事，由於今场继续有条栏，而短直路或更合。

　　「华伦天奴」因有「拼劲」及「钱程万里」同场，2档有权沿路吊住二三位，效果或比自领仲好。「好好机会」刚转场仅跑季军感失望。「叫关快」、「明旺」及「幸运勇士」，同样靠後上，早段如何处理及取位，成关键所在。

　　

　　「红运福星」上场係第2次跑谷草，肯改用留後方式即有截然不同走势，试啱後唔转其他路程，料有心再搏。「尊胜福星」究竟係咪早段愈抢会愈跑得开心，今场换番德叔便知。

　　「榄球先锋」第2仗已比初出好得多，但细心睇当时衝刺力唔係好爆，所以，短直路应有助。「骏蹄飞」体重升，养壮至跑，将有一定成效。「爪皇盛水」及「旋风魅力」也是配脚之选。

　　

　　「鹏力洋洋」三班顶尖货色，重磅亦影响有限，而上赛劣势下，可交出全晚第二快拉士入P，證明愈来愈有「方」。

　　「傲男」及「胜任有馀」，如早段拖慢的话，跑法会有赚。「超群名驹」少见如上赛衝力可维持咁长，好难讲仲有冇两剂。「劲飞扬」和「南阳望族」始终係路程专家及未似完全断缆，可拖一注。

　　

　　「大把在手」返到一班谷草，冇晒压力，话晒大前仗同程仲上紧名，但係咪回紧气，睇埋今场。

　　「一宝」和「美猴王」，缺点係早段或留得後，若今场前中段冇乜马鬥走，直路唔易追。

　　「铁胆龙」及「先鞭直前」，场地性能俱佳，考虑在於前驹能力、後驹档位和有冇打叠。「威威多星」赢完可以冇晒，完全唔理解。

　　

　　「军事出击」初出赢同程、上场打吡唔塞或有前四名，攞住此两场赛绩，足以在尾场争胜。「靓到爆」7岁处评分高位，唔会冇压力，但其实今场对手唔係比上场叻好多（除了前驹），依然有分量。

　　「喜莲标緻」3档预咗沿途贴栏守好位，形势与上赛胜时差不多。「户外名驹」破格後能否喼多场（刚仗为在港评100分或以上首度入围），真係两睇？！「牛精大师」如伤脚影响不大，负123磅太着数了。

马会赛马节目主持 洪礼贤