阿哥精神加罩搏

猪拉多纳

　　第九场三班1400米。「阿哥精神」经过上场验證，目前暂且不宜加程，留在此程最实际。至於前仗同程入Q一役，严格嚟讲唔係好特别，只可以话符合预期，因为当时季军「贺喜」，末段唔係有阻窒，佢可能连Q都挞埋。

　　不过，此驹阵中唔係冇进步，正如上赛前曾讲过，至少在末段衝刺时动作比前协调及听话。今场尝试加眼罩，帮到？累倒？真係好难讲，但此廐早前有PP「飞翔星」一加配件即赢，而「阿哥精神」外地曾佩戴面箍胜出，加上，早前大闸加眼罩试埋，应该唔係靠撞性质。

　　第十场一班1400米。「华美之星」曾在好黏地缔出极快时间赢马，如明日场地出现变化，既削弱部分实力对手机会，却可帮牠一把，再跑高一班，唔代表冇资格擸W。以佢三班获3W水準，赢过「超群名驹」、「驌龙」、「闪烁武士」，而造出时间和姿态亦愈来愈出色，表现到进展未停过。如果赛事环境似前仗，有力再捷。

马会赛马节目主持 洪礼贤