马主论战

猪拉多纳

　　跑宝贝跑捧盃

　　今日我位同事Cindy Wong嘅乖仔黄业廷结婚，响度祝一对新人百年好合、永结同心！跑完马之後，我就会去饮佢哋嗰餐。

　　讲番心水，锺意第六场「开心指数」，之前响泥地1200米跑过三次，结果全部赢晒，摆明係路程专家，排二档起步，唔易搵对手。

　　另外锺意第七场「跑宝贝跑」，对上三仗都係赢盃赛，今次吼準社群盃上阵，肯定唔会空手而回，热都要捧。

　　吼柏宝齐欢笑

　　柏宝刚啱凭「元豐泰」同「业盛於和」起孖，睇嚟搏杀手风转顺，一於再吼佢啲坐骑。

　　推介第九场「闪烁武士」，上仗输得远只係由於气管有血，近期操练已回复正常，健康应该冇问题，四岁马仲有分响手，有权扫晒。

　　另外锺意尾场「齐欢笑」，今季一再响阵上砌低「甜橙」，後驹依家评分已升至112分，试问「齐欢笑」得98分点会有阻力？同场对手唔强，一於捧佢场。

　　仁心仁術减磅搏

　　近期一批中下游马房纷纷抢攻，依家手执12W嘅苏廐，今日虽然只出两驹，但话唔定可赢够数上岸。

　　先讲头场「创先机」，上季评27分时尚可赢马，依家减到20分真係好着数，况且近幾仗都输唔远，如就啱形势随时可赢番场。

　　至於第三场隻「仁心仁術」，近四仗全部有奖金，演出其实幾準，今次落四班上阵，即刻搵吴嘉晋减磅搏杀，摆明求胜心切，有权打开胜门。