中冷马特别过瘾

猪拉多纳

　　自己注码细，买马顾及热门唔係冇，但一博一赔率，又或是过热之马，唔会係我杯茶，所以，类似周三尾场t搭u连赢位，派彩幾十蚊，向来唔会喺个人投X组合之内。

　　买冷门马嘅唔好处，因为机会唔慌高得去边，次数亦唔会频密出现（除非係「灯神」力量），不过，捉中一匹冷马，喺金钱以外，那份沾沾自喜嘅满足感，after taste久久不散！

　　之但係，一场赛事14驹，冷门多的是，唔会场场爆（又唔会场场买），爆嗰匹又未必会係自己拣中，好多时只会跑完先呻。某程度上，拣到冷门，多少要有缘份。正如嘉豪兄也曾说过：「梗係有缺点至会冷，但只要搵到一个半个优点，怕咩买冷门！」呢一席话，其实一字咁浅，要实行则不易，却经常係自己下注高风险赛驹时嘅催眠曲。

　　团队福星随时变身

　　初步看过周日赛事排位，有两匹冷门马幾啱眼缘，此乃第一场「团队福星」及第四场「至勇飞龙」。前驹赢完跑4场P都冇，输在操练、路程、场地等问题，兜兜转转返回1400米，赛前準备又冇疑点，随时变番巨人。

　　「至勇飞龙」退化速度唔係想像中咁快，前仗可以拍住廐侣「威猛」，本来已觉吸引，仲要当时骑师直路发挥极不称职！上赛或因匆出令成绩反覆，今场唞得够兼落班，唔排除现形。