绿色快驹档利变身

猪拉多纳

　　韦达近期赛事有啲「立」，最多赢1W，粉丝点会冇损手烂脚！反观柏宝又唔同，好耐冇见过佢咁勇猛，上期连中三元，忽然重现久违了的形象！希望呢股势可以维持到，咁好嘅骑师，如果成绩唔多好，真係伤透万千马迷个心。当然，今期佢啲马唔算好突出，係大摩一对较有机会。

　　第二场四班1000米。「绿色快驹」初出即刻赢，之後连输两场，跑法出错係最大关连，但又唔可以怪责骑师或练马师，谷草排外档，想要克服，唔係抢，就係放，总好过有啲唔谂计，是是但但出便走咗了事。今场终於抽到内档，唔使再被迫转跑法，用番赢马时守靓位策略，应该有唔同发挥，係龙係蛇？建议睇埋今场。

　　第五场三班1650米。「大把世界」今次排内档起步，赛事形势可能与上场差唔多，只要唔係直路又打困笼，大有条件反先今次又同场嘅「晨采」。事实上，此驹之前可拍住「安甲」返嚟，已经係实力最好證明，唔会三班冇得赢。再者，今番对手的确普通，係时候出头。

　　鹏力洋洋演出可靠

　　第八场二班1650米。「鹏力洋洋」三升二班，唔係冇阻力，不过，同场对手唔係冇瑕疵，「摩法神采」和「精奇」初跑谷草、「易搏赢」休出体重跌等等，一个唔好彩！幾匹实力马相继失灵，畀佢再执一场有咩奇。其实，此马向来演出準绳．尤其赢完之後未试过冇P。所以，挟新胜馀威再战，又有赔率，1W3P策略，可能有肉食。

资深评马人 陈华栋