尊胜福星珠光宝气旋风魅力清新空气

猪拉多纳

　　今晚赛事在A栏上演，本来中置及後上马将有形势之助，惟场地状况如何、季尾模式有冇变？将会对赛果有好大影响。

　　练马师方面，徐雨石出马多，整体兵力够，或会连场郁手，此外，大摩只出两驹，皆有赢面。

　　「一团威」近仗一再衰喺攞错位，而前仗想搏却困守内栏，但證明目前唔係冇「方」。今仗用韦达，有埋好位帮助，如果唔似得上手方式，肯用番当年守好位赢马跑法，由於今场早段唔快，沿路内栏靠悭靠赚，可能够赢。

　　「大把世界」唔係受困，上场或在「晨采」前面返嚟，今次两驹档位有别，前驹机会秤先好多。「天瞳」未知近仗连输後回够气未，不过转场有级数，而当年跑过谷草唔抗拒，冷可谂。再数落去，「福喜」、「传奇快车」及「大卫精神」属边线分子。 　

　　「普渡馗」遇到步速快场合，对其极难稳定性情帮好多，如出闸唔係失灵，发挥正常，有赢面。「生生发」再跑短啲，而前中段略快，令其居於比近仗较後位置可能对发挥有助。

　　「友情友义」10档想抢又担心被顶出三叠。「千笑」7档放唔放，对成绩有好大影响，处境尴尬，个人则希望佢放。「盈骥」已经唔知幾时会跑得好，限拖。

　　「胜利大将」阵中唔係冇chok，但比对近两场，上赛喺情绪和服从性係有改善，如果今场因排内档，处理唔使咁拘谨，摆番前走，有权带到。

　　「绿色快驹」情况似前驹，排档唔同，对整套发挥亦唔一样，而做到够再出，点会唔珍惜机会。「胜在分秒」场场排外档，总有一场楔唔好、顶在外叠，过热只宜作配。「绽放美丽」复出第二仗，渐有留意价值。「乐有赢」转配件有助、「西域雄心」近绩稳，均可兼顾。

　　「福到财星」换咇又除晒配件，起到幾大刺激作用估唔到，不过，操练模式的确有变，畀埋最後机会呢匹分利马（评分三季来最低）。

　　「骏马精英」刚仗蚀尽有Q犀利，值得跟进。「精密纺」期望受惠早段唔快环境。「皇仁威龙」初出一哩得第四，难度好高，尤其赛事中仲见佢平衡唔好及斜跑，跑近或係虚分多缘故。「威腾驹」及「胜利多」博中档赚形势，才有机会入围。

　　「好好机会」前仗贴做首选，最终发挥啱晒获季，成绩係失望，不过，今场唔见得有好多实力近似「宝成智星」及「威水福星」嘅对手存在，有权坐正。

　　「财源来」此程实力比前驹劲，係担心搏到第三剂会点？！「威力高」近仗差，分数却有利。「信赖」休息日子可能未够，成绩未必喼到。「钱程万里」8岁马搏幾场，唔惊走样就假，退作四五之选。「的确好靓」如果冇得再贴栏，成绩或倒退。

　　「超群名驹」131磅会係负累，因为马重得一千磅左右，好在当打並路合，跟埋呢场。

　　「渐信良驹」和「闪耀小子」，排内档，未必捨得抢，如先让「开心欢乐」慢放，直路头发力，战術运用或成功。「安甲」退出过有疑点，略有戒心，如单计级数，点会唔够争。「铭记心头」冇档位形势，唔易再入围。「魅力星」因应头段唔快，7档随时被顶出三叠，唔易应付。

　　「尊胜福星」愈放愈开心，骑师知点处理，应该唔担心，以近两W姿态，重磅仍具冠军相。

　　「旋风魅力」和「珠光宝气」，两驹後上跑法有着数，问题係末段追唔追得到前驹。「清新空气」完全唔知上赛点爆？！但赢完继续做得，再计埋上场败将（二三名）再出成绩仍好，若12档楔得好，有力再捷。

　　「易搏赢」刻意唔出两个幾月，手法与上季同期差唔多，立心储足嚟搏，而大闸追得好，近况唔係冇，何况，现时分数比季内三次上名还要低。

　　「鹏力洋洋」性格唔算温驯，9档出闸或会焗摆前，就算做得到慢放，因跑法唔夹，顶多争位。「摩法神采」赢晒级数，赛前大手做得工夫亦係好事，如适应到谷草，任何对手都唔怕。「快人快语」及「邦先生」冷门可敲。「正白旗」体重大跌，而上赛衝到最後100米其实冇势，条件唔多吸引，但小心今场冇步速，畀佢1档守到二三位，赚晒入三甲。

马会赛马节目主持 洪礼贤