新希望三甲稳阵

猪拉多纳

　　第十场一班1200米。「新希望」出战短途次数有限，两季以来只跑过3场，两场直路赛跑P，而此程一战落第，但当时走规好嫩水，係咪唔啱脚法尚有保留。希望今次赛前有超过一个月重新适应，改跑此程唔会应付唔到。

　　此马目前101分，上望空间有幾多？问心讲，未必仲有幾多分未兑现，亦可能已到顶，不过，今场赛事水準可能只值二班中级，因全场12驹裏，季内得两驹赢过一班（谷草），而赢过二班田草又唔多，所以，「新希望」级数会比好多对手高一截。何况，此马向来演出準，绝少会跑到冇影，就算转程未必赢到，做胆应该胜任。

　　第十一场二班1400米。「天外之天」上场跑输畀初上一班「华美之星」，表面上，唔算有太大跟进价值。不过，当时转马房日子唔係耐，隻马第一次上一班，能够入到围（首次在三班以上场合跑P），计落係有若干进步。今次回到二班赛，要在三甲估一席，够晒资格。