今期坐骑实力不弱 韦达重燃希望

猪拉多纳

　　韦达近期成绩停滞不前，查看对上一次同日赛事赢多过一场头马，已经係9/4全泥夜宴，差唔多成个月，最叻都係一日赢1场，明显係跌咗watt。股市就话有「Sell in May」，唔通韦达之前赢到嘭嘭声，近日有「回吐压力」出现？！希望佢可以快啲振作。

　　今期佢啲马算係唔错，期望会有唔同表现，当然，呢期韦达坐骑来自四方八面，並唔似从前影子主帅身份，好容易会捉错用神。至於，捧佢边啲马，各人有唔同睇法。

　　依笔者角度去睇，有幾匹马实搏，好似「善寳」、「雄心威龙」及「新希望」，最终赔率热到点乃是後话，但3驹有一个共通点，就係胜在够準，尤其在韦达胯下更甚，信任指数好高。

　　第九场「雄心威龙」劲到点？！都唔使多费唇舌，胜负係视乎「都市风光」跑成点而已，若前驹交出十成功力，亦未必怕客军。

　　第八场「善寳」，在韦达手上未输过，一再以超班姿态赢马，留在三班唔会耐。第十场「新希望」，準得交关，少有大败，那奋鬥心极强，回到一班次级赛事，级数秤高番晒。

Jack