连利福星遇弱旅

猪拉多纳

　　第六场三班1200米。「连利福星」搏到第三回，7岁马体能顶唔顶得住？未跑之前冇答案，往绩则曾经试过「连三」。以廐侣「红日」作例子，後生时一样顶得到三铺，不过，喺赢马之前，亦要隔一隔（两次入Q後），所以，前驹近绩好，有危又有机吧。此马分数方面，已经冇乜水位走盏，只係借助7磅仔，减低评分压力，以及今场对手比起近两仗仲曳啲，要继续上名，一定够资格。

　　第七场二班1000米。「旅英骏驹」休出，喺直路赛输近（末段曾困塞），接着两场跑得好差好差！要搵藉口原谅的话，可能配件作怪，3月头嗰场未浮现，或因新鲜感及唞得耐缘故，所以，今次练者安排除眼罩，肯转膊，有变身诱因。

　　目前减至90分，返回大前季第五捷时水平，喺二班略有优势，尤其排到好位，又遇到或利追环境，客观条件理想，更重要係赔率唔会热，有博冷价值，如果今仗依然冇表现，先至斩缆。

马会赛马节目主持 洪礼贤