开心指数实力超群

猪拉多纳

　　全泥夜宴好唔好赌？真係见仁见智，记得两个月之前同类赛事，係得头场爆出大冷门，之後好多场由热门实力马控制，所以，如果拣啱场合，有时比起沙田草地赛期仲有赌头。不过，今晚有部分场合真係要好小心，事关有啲热门实力马，其实已经搏咗好幾场，仲得唔得？唔係冇风险。

　　第三场四班1200米。「欢欣星」上场跑获季军，在同程跑输畀「万宝驹」和「万人迷」，演出符合要求。当然，所负距离有个幾身位，又唔觉得有幾出色，却證明到本身跑泥地嘅威力，或比草地赛略强。是赛肯再跑同一路程，唔会转去谷草或加程，贺贤安排上肯唔变，意味着上述假设成立。如果同场「都灵一号」让唔起佢十幾磅的话，便有捋虎鬚之力。

　　第七场三班1200米。「开心指数」跑了4场此程，未试过输！泥地性能真係好劲。睇隻马场场都係一口气放到，好似好容易，其实唔简单，因为佢每次唔係以慢放及冇对手迫嘅情况下胜出，唔係实力超群，相信都冇可能赢幾场。呢次加咗磅，对手却不觉有何特别，只要9档唔係早段错晒，发挥到正常水準，又有机会放返嚟。

　　第八场一班1200米。「花月佳期」出赛第二仗已经赢到，之後转到田草1200米仍可跑入三甲，證明评分未尽。事实上，在近仗所遇对手，都係班内一级实力及状态之马，如「梦幻十一」、「先鞭直前」等，假如佢转场适应得到，同场两匹实力马;=，佢都未必惊。

资深评马人 陈华栋