马主论战：冷敲电讯至尊

猪拉多纳

　　冷敲电讯至尊

　　近期天气唔多稳定，今晚全泥宴嘅场地状况唔太明朗，只係适宜小注怡情。我哋隻「电讯至尊」有份上阵，上场早段放得急亦跑第四，表现已可收货；今次转嚟泥地上阵，只要场地啱跑，唔一定冇机会，冷冷哋谂得过。

　　另外锺意第二场「翡翠明星」，上个礼拜试泥闸走势好靓，场地性能唔使担心，初出已赢直路赛之马，四班冇理由留得住佢，抽埋二档起步，应该可以重开胜门。

　　张敬山

　　电光能源泥地恶

　　姚本辉今晚只出两驹，但我睇好佢有马赢。锺意尾场「电光能源」，呢匹泥地王前仗响泥地1200米赢马，当时孭133磅仍能如飞杀上，表现真係唔讲得笑，今次回师泥地赛可见真章。

　　另一匹心水，係第七场叶廐马「城中话题」，上仗响田草1400米追入第五，已初露走势；今次落班跑泥地赛，对手实力相对减弱，话唔定可赢马开斋。

　　任达华

　　巴其利可坐正

　　霍利时刚啱凭「光宗耀祖」同「好唛」起孖，睇嚟搏杀手风开始转顺，今晚一於再吼佢啲马。推介第二场「万人迷」，以往响泥地1200米累积三冠四亚一季，摆明係路程专家，今次继续跑强项必有战意。

　　另外锺意「巴其利」，近两仗输畀「开心指数」，只係由於对手太强，今次後驹跑第七场，强手远去之下，「巴其利」应可坐正。

　　寇鸿萍、梁廷锵